غریبی

غَرِیبی {غَرِی+بی} (عربی)

غ ر ب، غَرِیب، غَرِیبی

عربی زبان سے مشتق صفت غریب کے آخر پر ی لاحقہ کیفیت لگانے سے بنا اور اردو میں اپنے اصل معنوں اور ماخوذ ساخت کے ساتھ بطور اسم استعمال ہوتا ہے۔ تحریراً سب سے پہلے 1625ء کو "سیف الملوک و بدیع الجمال" میں مستعمل ملتا ہے۔

اسم کیفیت (مؤنث - واحد)

معانی

1. مفلسی، ناداری، محتاجی۔

"عوام کی غربت، مفلسی، محتاجی، لاچارگی اور غریبی کے دکھ جھلکتے ہیں۔"،

2. مسافرت، وطن سے دوری، پردیس۔

؎ سر پر ہجومِ دردِ غریبی سے ڈالئے

وہ ایک مشتِ خاک کہ صحرا کہیں جسے،

3. عاجزی، انکسار۔

"بہت ملایمت اور غریبی سے بولا، اے ماہی گیر ایسا کام نہ کیجیو۔"،

4. سادگی، کھراپن، معصومیت۔

"حرم کی غریبی پر دائی کا دل موم سا پگھل گیا اور رحم آیا۔"،

انگریزی ترجمہ

a state of being a foreigner, foriegnness; humility, wretchedness

مترادفات

مَسْکَنَت، اِفْلاس، مُحْتاجی، مِسْکِینی